ຢູ່ລາວສັກຢາກັນພະຍາໄຂ້ເຫຼືອງໄດ້ຢູ່ໃສ – Yellow Fever Vaccination

ກ່ອນອື່ນເຮົາມາຮູ້ຈັກກັນກັບໄຂ້ເຫຼືອງກ່ອນວ່າແມ່ນຫຍັງ? ເກີດມາຈາກໃສ? ມາໄດ້ແບບໃດ?

ໄຂ້ເຫຼືອງ ເປັນພະຍາດຕິດເຊື້ອໄວຣັສຊະນິດໜື່ງທີ່ມີຍຸງເປັນພາຫະນຳເຊື້ອ ການທີ່ເອີ້ນວ່າ ” ໄຂ້ເຫຼືອງ ” ກໍຍ້ອນວ່າຄົນເຈັບທີ່ຕິດເຊື້ອຈະມີໄຂ້ ແລະ ມີອາການຕົນໂຕເຫຼືອງ

ແຜນທີ່ເຂດປະເທດທີ່ເຮົາຄວນຊັກຢາກັນໄຂ້ເຫຼືອງກ່ອນໄປ (ຂອບເຂດທີ່ຂີດສີເຫຼືອງ)

ພະຍາດຊະນິດນີ້ແມ່ນມີຢູ່ໃນນຳ້ລາຍຂອງຍຸງ ເຊີ່ງເຫັນມີບອກມາວ່າແມ່ນຍຸງຊະນິດ aedes aegypti ເປັນພາຫະນຳເຊື້ອ (ຊື່ພາສາລາວແມ່ນຫຍັງບໍ່ຮູ້ XD)

ຍຸງຊະນິດ aedes aegypti – ຂອບໃຈຮູບຈາກ google

ພະຍາດໄຂ້ເຫຼືອງນີ້ຈະພົບໄດ້ຫຼາຍໃນ ທະວີບອາຟຣິກາ ແລະ ທະວີບອາເມລິກາໃຕ້, ບໍ່ມີຢາຮັກສາສະເພາະ ແຕ່ມີຢາສັກປ້ອງກັນພະຍາດນີ້ໄດ້ ກໍຄື Yellow Fever Vaccine

ຕາມທີ່ໄດ້ເຫັນ ແລະ ອ່ານຂ່າວມາ ຮູ້ສຶກວ່າ ພະຍາດໄຂ້ເຫຼືອງນີ້ແມ່ນມີຕົ້ນກຳເນີດຢູ່ທະວີບອາຟຣິກາ ມາເປັນເວລາຫຼາຍກວ່າ 3,000 ປີແລ້ວ ແລະ ພະຍາດນີ້ໄດ້ແຜ່ລະບາດເຂົ້າໃນປະເທດອາເມລິກາປະມານ 200 ປີກ່ອນ ນອກນັ້ນຍັງແຜ່ລະບາດເຂົ້າໃນທະວີບອາເມລິກາໃຕ້ໃນຊ່ວງທີ່ມີການຄຸດຄອງນ້ຳ ປານາມາ ( Panama Canal ) ເຮັດໃຫ້ມີຜູ້ເສຍຊີວິດເຖິງ 20,000 ຄົນ ( ຈາກພະຍາດໄຂ້ເຫຼືອງ ແລະ ມາລາເລຍ )

ແຕ່ຫຼັງຈາກມີການຄິດຄົ້ນຢາປ້ອງກັນເຊື້ອພະຍາດໂຕນີ້ ໃນປະເທດອາເມລິກາກໍ່ບໍ່ຄ່ອຍພົບເຫັນຄົນເຈັບຈາກພະຍາດນີ້ແລ້ວ ເເຕ່ເຖີງຢ່າງໃດກໍຕາມ ໃນທະວີບອາເມລິກາໃຕ້ ແລະ ທະວີບອາຟຣິກາກະຍັງມີການພົບເຫັນຄົນເຈັບຈາກພະຍາດນີ້ຈຳນວນຫຼາຍເຖິງ 200,000ຄົນ/ປີ ເເລະ ມີອັດຕາເສຍຊີວິດເຖິງ 30,000 ຄົນ/ປີ

ຄອງນ້ຳ ປານາມາ ( Panama Canal ) – ຂອບໃຈຮູບຈາກ google

ເອົາລະ ຮູ້ໄປໜ້ອຍໜື່ງກ່ຽວກັບພະຍາດນີ້ແລ້ວ ເຮົາມາເບີ່ງກັນວ່າ ຖ້າເຮົາຢາກເດີນທາງໄປເຂດທີ່ຕ້ອງໄດ້ສັກຢານີ້ ເຮົາຈະໄປສັກໄດ້ຢູ່ໃສກັນ ເຊີ່ງໂຕເເອັດມິນເອງກໍໄປສັກມາແລ້ວຢູ່ບ່ອນນີ້:

• ຢາວັກຊີນປ້ອງກັນພະຍາດໄຂ້ເຫຼືອງສາມາດເຂົ້າໄປສັກໄດ້ຢູ່ UN House Laos – UN Clinic


• ຄ່າໃຊ້ຈ່າຍໃນການສັກຢາແມ່ນ 450,000ກີບ (ສາມາດຈ່າຍເປັນເງີນ ກີບ ເງີນໂດລ້າໄດ້ ແລະ ມີ OnePay ພ້ອມຖ້າຈື່ບໍ່ຜິດ ສະດວກສຳ່ໃດ ຖາມໃຈເບີ່ງງງ)

• ການສັກຢາແມ່ນສາມາດຕິດຕໍ່ສອບຖາມເພີ່ນໄດ້ທີ່ເບີໂທ: +856 21 267 777 (ໂທເຂົ້າໄປແລ້ວຂໍຕໍ່ສາຍຄຣີນິກຂອງສະຫະປະຊາຊາດຢູ່ລາວ) ຫຼື Email: Vannasin.pouthapan@one.un.org

• ການສັກຢາກ່ອນເດີນທາງແມ່ນໃຫ້ຖາມສະຖານທູດຂອງປະເທດເຮົາຈະເຂົ້າໄປນັ້ນວ່າຄວນສັກໂຕໃດແນ່ນອກຈາກວັກຊີນກັນໄຂ້ເຫຼືອງ (ຖ້າຈຳເປັນ)

• ການຊັກວັກຊີນຄວນສັກກ່ອນເດີນທາງ 10 ມື້ ເພື່ອໃຫ້ຮ່າງກາຍໄດ້ຊືມຊັບ ເເລະ ສ້າງລະບົບພູມຄຸ້ມກັນກ່ອນ

• ຫຼັງຈາກສັກວັກຊີນເເລ້ວເຮົາຈະໄດ້ປື້ມເຫຼືອງຫົວນີ້ມານຳ ໃຫ້ເກັບຮັກສາໄວ້ໃຫ້ດີ ແລະ ສຳເນົາກ໋ອປປີ້ໄວ້ສຳຮອງໃນກໍລະນີທີ່ປື້ມເສຍ ເພາະຖ້າເສຍແລ້ວບາງປະເທດຈະບໍ່ໃຫ້ເຂົ້າ ຫຼື ປ່ອຍອອກຈາກປະເທດເຂົາເຈົ້າເດັດຂາດ.

•ໃນກໍລະນີຖ້າປື້ມເຫຼືອງເສຍແມ່ນໃຫ້ຕິດຕໍ່ຫາທ່ານໝໍທີ່ໄດ້ສັກຢາໃຫ້ເຮົາແລ້ວໃຫ້ເພີ່ນເຮັດຫົວໃໝ່ໃຫ້ແລ້ວສົ່ງໃຫ້ທາງອີເມວ.

• ຢາທີ່ເຮົາສັກໄປແລ້ວໃຫ້ເກັບກຳຂໍ້ມູນ ລ໋ອດຂອງຢາ ເຊັ່ນ Lot.567 Russia. ໂຕນີ້ແມ່ນສຳຄັນໃນກໍລະນີທີ່ມີຄົນແພ້ຢາ ທ່ານໝໍສາມາດກວດກາຄືນໄດ້ວ່າຢານັ້ນມາຈາກປະເທດໃດ ຜະລິດຊຸດທີເທົ່າໃດ ແລະ ເຮັດການວິໄຈໃຫ້ວ່າເເມ່ນຫຍັງເປັນປັດໃຈໃຫ້ເຮົາແພ້ຢາໂຕນັ້ນ.. ແຕ່ສ່ວນຫຼາຍຄົນທີ່ໄປສັກຈະບໍ່ແພ້ເລີຍ ປະມານ 1 ໃນຫຼາຍລ້ານຖ້າຈະແພ້.

ນີ້ແມ່ນໜ້າຕາພາຍໃນປື້ມ Yellow Vaccine ຂອງແອັດມິນທີ່ໄປສັກຢາມາ

•ຕອນສັກຢາແມ່ນໃຫ້ຖື Passport ໄປນຳເພາະທ່ານໝໍຕ້ອງລົງລາຍລະອຽດຕາມ Passport ເດີນທາງນັ້ນ

• ວັກຊີນໂຕນີ້ ຫຼັງຈາກຊັກແລ້ວອາຍຸການໃຊ້ງານຂອງຢາແມ່ນສາມາດຢູ່ໄດ້ເປັນເວລາ 10 ປີ

• ຖ້າຮູ້ສຶກເມື່ອຍອ່ອນເພຍຄວນພັກຜ່ອນກ່ອນໃຫ້ເເຂງແຮງແລ້ວຈັ່ງໄປສັກ

• ເດັກນ້ອຍອາຍຸຕ່ຳກ່ອນ 6ເດືອນ ຫຼື ຜູ້ເຖົ້າສູງໄວຄວນປຶກສາທ່ານໝໍກ່ອນສັກເພາະເປັນກຸ່ມສ່ຽງ

• ຜູ້ຍິງຖືພາບໍ່ຄວນສັກຢາໂຕນີ້ເດັດຂາດ

• ໃນວັກຊີນຈະມີໄຂ່ເປັນສ່ວນຜະສົມຖ້າໃຜແພ້ໄຂ່ຄວນປຶກສາທ່ານໝໍຕື່ມ

ຂໍ້ມູນຂ້າງເທີງນີ້ແມ່ນອ້າງອີງຈາກປະສົບການໂຕເອງທີ່ໄປພົບພໍ້ມາ ກ່ອນຈະໄປສັກຢາດີແທ້ແມ່ນເຮົາຄວນປຶກສາທ່ານໝໍຕື່ມເດີ້

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s